2024 жылы қазақстандықтардың табысы шетел валютасымен есептегенде қаншалықты азайды

2024 жылы қазақстандықтардың жалақысы теңгемен есептегенде біршама өскенімен, ұлттық валютаның құнсыздануы шетел валютасындағы сатып алу қабілетіне кері әсер етті. Бұл туралы толығырақ KAZ.NUR.KZ сайтында.

Қазақстанда орташа номиналды жалақы (инфляция мен сатып алу қабілеті ескерілмеген көрсеткіш) 2024 жылдың 3-тоқсанында 390 328 теңгеге жетті – өткен жылдың сәйкес кезеңімен салыстырғанда 11,3 пайызға жоғары. Алайда инфляцияны есептегендегі нақты өсім небәрі 2,7 пайызды көрсетіп отыр.

2024 жылдың басында орташа жалақы 393 605 теңге болған. Шетел валютасымен есептегенде бұл:

• 876 АҚШ долларына (1 доллар – 449,19 теңге),
• 809 еуроға (1 еуро – 486 теңге),
• 78 251 рубльге (1 рубль – 5,03 теңге) тең еді.

Валютаның қымбаттауы жалақыға қалай әсер етті

Жыл соңында теңгенің бағамы айтарлықтай төмендеді. 2024 жылдың 30 желтоқсанындағы таңғы валюта бағамы бойынша орташа жалақы мынадай көрсеткіштерді көрсетті:

• 748,03 АҚШ доллары (минус 128 доллар, 1 доллар – 521,81 теңге),
• 718 еуро (минус 91 еуро, 1 еуро – 543,67 теңге),
• 77 292,7 рубль (минус 958,3 рубль, 1 рубль – 5,05 теңге).

2024 жылдың қорытындысы бойынша қазақстандықтардың орташа атаулы жалақысы тек теңгемен ғана емес, шетел валютасындағы эквивалентте де төмендеді. Бұл теңгенің әлсіреуі мен инфляцияның айтарлықтай әсерінен болды. Осылайша қазақстандықтардың нақты сатып алу қабілеті валюталық тұрғыдан біршама қысқарды.

Қазақстанда 390 328 теңге орташа жалақы орташа есеппен 145 кг сиыр немесе 263 кг құс етіне жетеді. Ел тұрғындарының сатып алу қабілеті туралы мына материалдан толығырақ оқи аласыз.

2024 жылдың бірінші тоқсанында Қазақстандағы орташа жалақы 382 279 теңге болды. Үш айда көрсеткіш 2,9 пайызға төмендеген. Алайда кейбір саланың мамандары орташа есеппен 1 ​​миллион теңгеден астам жалақы алады.

Жылдың алғашқы үш айының қорытындысы бойынша Қазақстан азаматтарының орташа айлық табыс мөлшері 101 962 теңгеге жетіп, алғаш рет 100 мың теңгеден асқанын жазған болатынбыз.