Биыл қазақстандықтар көлігі үшін қанша теңге салық төлейді

2025 жылдың 1 сәуіріне дейін қазақстандықтар көлік салығын төлеуге тиіс. Оны есептеу үшін 2024 жылы қолданыстағы АЕК қолданылады. Толығырақ KAZ.NUR.KZ материалында.

Көлік иелері Қазақстанда тиісті салықты төлеуге міндетті. Азаматтардың кейбір санаттары төлеушілер тізімінен алынып тасталды.

Қазақстан Республикасы салық кодексінің 492-бабына сәйкес, салық сомасы салық ставкасына және айлық есептік көрсеткішке (АЕК) байланысты.

Яғни 1 қаңтардан бастап АЕК 3 932 теңгеге дейін өсті, бірақ 2024 жылға арналған салықты қазақстандық көлік иелері 2025 жылдың 1 сәуіріне дейін 3 692 теңге айлық есептік мөлшерлемемен төлейді. Өткен жылмен салыстырғанда төлем сомасы 7 пайызға артады.

Салық қалай есептеледі

Жеңіл автомобильдер үшін салық мөлшерлемелері қозғалтқыш көлеміне, ал кейбір жағдайларда Қазақстанда алғашқы мемлекеттік тіркелген жылына байланысты сараланады.

Көлік салығы көліктің қозғалтқыш көлеміне және оның Қазақстанда алғашқы тіркелген жылына байланысты өзгереді.

• Қозғалтқыш көлемі 3 литрге дейінгі көліктер үшін салық мөлшері 1-ден 9 АЕК-ке дейін құрайды. Бұл 3692 теңгеден 33 228 теңгеге дейінгі сома.
• Қозғалтқыш көлемі 3 литрден асатын көліктер үшін салық мөлшері күрделірек және көлік шығарылған немесе Қазақстанға әкелінген жылына байланысты сараланады.

2014 жылға дейін Қазақстанға әкелінген көліктер үшін:

• Қозғалтқыш көлемі 3-4 литр аралығында болса, салық 15 АЕК (55 380 теңге).
• Қозғалтқыш көлемі 4 литрден асатын көліктер үшін салық 117 АЕК (431 964 теңге).

2014 жылдан кейін Қазақстанға әкелінген көліктер үшін:

• Қозғалтқыш көлеміне байланысты салық мөлшері 35-тен 200 АЕК-ке дейін жетеді. Бұл 129 220 теңгеден 738 400 теңгеге дейінгі аралықты құрайды.

Көлік салығының нақты сомасын қалай есептеуге болады

Есептеу кезінде қозғалтқыш көлемі 1,5 литрден асатын жеңіл автомобильдер үшін салық мөлшерлемесі ақшалай түрде қозғалтқыш көлемі бойынша тиісті градацияның төменгі шегіне сәйкес келетінін ескереміз. Төменгі шектен асқан әрбір текше сантиметр үшін тағы 7 теңге төлеу керек.

Егер қозғалтқыш көлемі 2999 текше сантиметр болатын көлікті қарастырсақ, салық былай есептеледі:

• Бұл көлем 2500-3000 см³ диапазонына жатады, сондықтан базалық салық мөлшері 9 АЕК немесе 33 228 теңге.
• Қозғалтқыш көлемінің шектен асқан 499 см³ үшін әрбір текше сантиметрге 7 теңге қосылады. Бұл 3493 теңге қосымша төлемді білдіреді.
• Жалпы салық сомасы – 36 721 теңге.

2026 жылы көлік салығы қалай өзгереді

2025 жылға көлік салығы жаңа АЕК мөлшеріне сәйкес есептеледі, яғни 3932 теңгеге негізделеді. Алайда, бұл салық тек 2026 жылы төленеді. 2025 жылмен салыстырғанда салық шамамен 6,5 пайызға өседі.

Сондай-ақ 2026 жылы Қазақстанда жаңартылған Салық кодексі күшіне енуі мүмкін. Жаңа заңнамада:

• 2014 жылдан кейін шығарылған көліктерге салынатын өсірілген салық мөлшерлемесін алып тастау,
• 10 жылдан асқан көліктерге салықты азайту қарастырылуы ықтимал.