ШҚО-да замануи үлгідегі халықаралық әуежай бой көтермек
Опубликовано:
Шығыс Қазақстан облысы Қатон-Қарағай ауданында халықаралық әуежай салынады деп жоспарлануда. Бұл туралы облыстың ақпарат орталығы хабарлады.
Бұл әуе айлағы шығыстағы бесінші әуежай болады. Жобаны салудағы мақсат – Қатон-Қарағайдың қызмет көрсету сапасын жақсартып, туристердің көптеп келуіне жағдай жасау.
Ақпарат орталығының мәліметіне сүйенсек, әуежай әкімшілігі халықаралық рейстерді ұйымдастыруды Үлкен Нарын ауылында жүзеге асырмақшы. Ал қазіргі уақытта техникалық-экономикалық негіздемесі дайын тұр, енді тек аталған жобаның сметасын әзірлеу қалды дейді олар.
Аудан әкімінің айтуынша, Қатон-Қарағай табиғатының ерекшелігі туризм инфрақұрылымын дамытуға мүмкіндік береді.
«Туристер мен қонақтарға сапалы қызмет көрсету үшін әуежайдың құрылысын да, дизайнын да қазіргі заманғы талапқа сай жүргізілуі қажет», - дейді ол.
Айта кетейік, осы жылы Қатоң-Қарағайдың табиғатын тамашалау үшін 15 мыңнан астам турист келген. Бұл 2014 жылмен салыстырғанда 3,1 пайызға артық. Сондай-ақ, Қатон-Қарағай мемлекеттік ұлттық табиғи паркінің оңтүсiк-шығысында орналасқан Белухинская демалыс аймағы туристердің қызығушылығын тудырып отыр.
Мақаланың түпнұсқасы: https://kaz.nur.kz/nurfin/913522-shqo-da-zamanui-ulgidegi-khalyqaralyq/
