Жеңілдетілген автонесие бойынша екі банкке кезекті транш бөлінді

"Өнеркәсіпті дамыту қоры" АҚ (бұдан әрі-Қор) "Еуразиялық Банк" АҚ және "Қазақстан Халық Банкі" АҚ банктеріне жеңілдетілген автонесиелерді қаржыландыру бағдарламасына қатысты кезекті транштардың бөлінгені туралы хабарлайды.

Лимиттердің бөлінетін сомасы :

• "Еуразиялық Банк"АҚ - 10 млрд теңге;
• "Қазақстан Халық Банкі"АҚ - 7,5 млрд теңге.

Осылайша, бағдарлама аясында қатысушы банктерге 90 млрд теңге беріліп отыр. Оның ішінде:

• "Еуразиялық Банк" АҚ - 25 млрд теңге;
• "Банк Центр Кредит" АҚ - 27,5 млрд теңге;
• "Қазақстан Халық Банкі" АҚ - 22,5 млрд теңге;
• "Forte Bank" АҚ - 15 млрд теңге.

Бөлінген траншты игергеннен кейін 10 млрд теңге мөлшеріндегі қалған лимит "Еуразиялық Банк" АҚ бөлінеді.

Бүгінгі таңда қатысушы банктер жалпы сомасы 82 млрд теңгеге 10 888 өтінімді мақұлдаған, 4 847 автомобиль берілген.

"Айта кету керек, 90 млрд теңгеден игерілмеген лимит 8 млрд теңгені құрайды. Осы сома шегінде автонесие алуға өтінімдерді тек "Еуразиялық Банк" АҚ және "Қазақстан Халық Банкі" АҚ қабылдайды. Бағдарламаға қатысушы қалған банктер бөлінген лимиттерді толық игерді", - дейді қордың баспасөз қызметінен.

Жаңа автонесиелер беруді одан әрі қатысушы банктер бастапқы қарыз алушылар қайтаратын кредиттік төлемдер есебінен револьверлік несиелеу шеңберінде жүзеге асыратын болады.

Мәтіннен қате тапсаңыз, бізге жазыңыз