Қазақстандық құтқарушыларға жұмыстағы қауіп-қатер үшін қосымша ақы төленетін болады
Опубликовано:
Қызмет барысында денсаулыққа және өмірге зиян келуі қаупімен байланысты жұмыс үшін қазақстандық құтқарушыларға қосымша ақы төленетін болады. Үкіметі тиісті қаулы қабылдады, деп хабарлайды премьер-министрдің ресми сайты.
Үкіметтің баспасөз қызметінің мәліметінше, қосымша ақының мөлшері лауазымдық жалақының 70 пайызын құрайды.
"Ол жедел-құтқару жасақтары, Республикалық жедел-құтқару жасағы, Апаттар медицинасы орталығы қызметкерлеріне және құтқару қызметін атқаратын "Қазселденқорғау" ММ-нің негізгі қызметкерлеріне төленеді", - делінген хабарламада.
ТЖМ деректері бойынша барлығы 2 мыңнан астам құтқарушы қосымша ақы алмақ.
Премьер-министрдің баспасөз қызметі қаулы 2023 жылғы 1 қаңтардан бастап туындаған құқықтық қатынастарға қолданылатынын атап өтті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/nurfin/economy/2012750-qazaqstandyq-qutqarusylarga-zumystagy-qauip-qater-usin-qosymsa-aqy-tolenetin-bolady/