"Еуроаймақтағы инфляция 2024 жылы төмендейді": Еурокомиссия болжам жасады

Еурокомиссия 2024 жылы еуроаймақтағы инфляция экономистер күткеннен тезірек төмендейтінін айтты. Бұл туралы Financial Times-ке сілтеме жасаған KAZ.NUR.KZ хабарлайды.

Еуропалық комиссияның өкілдері еуроның жылдық инфляциясы 2025 жылдың екінші жартысында Еуропалық орталық банктің 2 пайыздық мақсатына жеткенге дейін 2024 жылы 2,5 пайызға төмендейтінін хабарлады. Ақпан айында жарияланған болжамда комиссия 2024 жылы 2,7 пайыз және келесі жылы 2,2 пайызға дейін біртіндеп төмендеуі мүмкін екенін айтты.

"Біз еуроның өсу қарқыны биыл үдеп, 2025 жылы одан әрі артады деп күтеміз. Сондай-ақ инфляция төмендей береді және келесі жылы ЕОБ мақсатты көрсеткішіне жетеді", - деді ЕО экономика жөніндегі комиссары Паоло Джентилони.

Комиссия көктемгі болжамында инфляцияның тез төмендеуіне шикізат бағасының әлсіреуі себеп болғанын айтқан. Олардың айтуынша, Қызыл теңіздегі кемелерге жасалған шабуылдар салдарынан жеткізілімдер тоқтатылады деген қорқыныш орындалмады.

Еуроаймақ экономикасы 2024 жылдың алғашқы үш айында қалпына келу белгілерін көрсетті, ЖІӨ алдыңғы тоқсанмен салыстырғанда 0,3 пайызға өсті.