Ең жоғарғы өсім - Астанада: өңірлерде инфляция деңгейі артты

Елімізде инфляция деңгейі өсті. Наурыз айында инфляция 10 пайызға өскен. Ұлттық банк ұсынған деректерге сай, жылдық инфляция 16 өңірде жеделдеген, деп хабарлайды KAZ.NUR.KZ.

"Наурызда елде жылдық инфляция үдеп (ақпанда – 9,4%), 10% болды. Жылдық инфляция 16 өңірде жеделдеп, 4 өңірде баяулады. Ең жоғары өсім Астанада тіркелді. Елордада жылдық инфляция 13,3 пайызға жетті, бұл – ел бойынша ең жоғары көрсеткіш.

Азық-түлік бағасының ең жоғары өсімі – Ақмола облысында, ал ең төменгі өсім Жамбыл, Қостанай және Түркістан облыстарында байқалды. Азық-түлікке жатпайтын тауарлар бойынша жоғары өсім – Түркістан облысында, ал ең төменгісі Алматы облысында тіркелді. Ақылы қызмет бағасы ең қатты қымбаттаған өңір – Батыс Қазақстан облысы, ал ең аз қымбаттаған өңір Павлодар облысы болды. Еске сала кетейік, Ұлттық Банк қазіргі экономикалық жағдай мен инфляция тәуекелдеріне байланысты базалық ставканы 16,50 пайыз деңгейінде қалдырған болатын", - делінген хабарламада.