"Аи-92 бензині 39 күнге жетеді": энергетика вице-министрі Астанадағы жанар-жағармай қоры туралы айтты

Энергетика вице-министрі Бақытжан Ілияс елорда тұрғындарымен кездесуде жанар-жағармай қоры туралы айтты, деп хабарлайды KAZ.NUR.KZ.

Вице-министрдің айтуынша, қалада жанар-жағармай қоры жеткілікті.

"Аи-92 бензині – 39 күнге, дизель отыны – 39 күнге жетеді. Министрлік әкімдік пен монополияға қарсы органдармен бірлесе отырып, баға мен логистика бойынша тұрақты мониторинг жүргізеді. Ішкі нарықты тұрақтандыру мақсатында кейбір мұнай өнімдерін сыртқа шығаруға тыйым салынған", - деді ол.

Бақытжан Ілиястің мәліметінше, Астанада сұйытылған газдың бөлшек саудадағы бағасы – литріне 102 теңге.

Қалада 6 газ толтыру станциясы және 73 автомобильге арналған газ құю бекеті жұмыс істейді.

Бұдан бөлек, халықпен кездесуде вице-министр энергетика, газдандыру салаларындағы негізгі нәтижелер мен басымдықтарды таныстырды.

Мәтіннен қате тапсаңыз, бізге жазыңыз