Ақтөбе қаласының әкімі ауысты

Қазақстан президенті әкімшілігі және қалалық мәслихат депутаттарының келісімдерімен, аймақ басшысы Бердібек Сапарбаевтың өкімімен Ақтөбе қаласының әкімі болып Испанов Ильяс Сапарбекұлы тағайындалды деп хабарлайды «Ақтөбе ақпарат» орталығы.

«Ақтөбе ақпарат» орталығының хабарлауынша, 40 жастағы Ильяс Испанов ҚазМБА жанындағы нарық институты, Лондон экономика және саяси ғылымдар институты, Ресей президенті жанындағы халық шаруашылығы және мемлекеттік қызмет академиясының түлегі. Экономист және Мемлекеттік және муниципалды басқару магистрі мамандықтарын алған.

Еңбек жолын Испанов 1993 жылы «Ақ-Бастау» АБ Сарыағаш филиалының бас есепшісі болып бастап, кейінгі жылдары Қаржы министрлігінің борышкерлермен жұмыс жөніндегі комитетінің төрағасы, Жоғарғы сот жанындағы сот әкімшілігі жөніндегі комитеті төрағасы, Бас прокуратураның Қаржы, ақпараттандыру және ақпараттық ресурстарды қорғау департаментінің басшысы болып қызмет атқарды.

Ақтөбе қаласы әкімі қызметіне тағайындалғанға дейін Жоғарғы соты соттар қызметтерін қамтамасыз ету жөніндегі департаментіне жетекшілік етті.

Бекбол Сағын өзге жұмысқа ауысуына байланысты қызметінен босатылды.

Тағы оқыңыз:

Қапшағайда әйел жаңа туған сәбиін қаптың ішіне салып, қаңыраған үйге тастап кетті

«Қайрат» жылына 1,5 млн еуро жалақы төлеп, қорғаушы жалдайтын болды

Қазақстан зымыран қалдықтарын құлату үшін Ресейге 63 мың гектар жерін жалға беретін болды

Қазақстандық келіндердің дені төсек қатынасын, күйеулерін және жүктілікті талқылайтыны анықталды (видео)

Үйсіз, жұмыссыз жүрген Сарыағаштан 30 отбасы Солтүстік Қазақстанға көшіп кетті