ӘДМ комитет басшысына пара алғаны үшін 141 млн айыппұл салынды

Әлеуметтік даму министрлігіне қарасты әлеуметтік келісім комитетінің басшысы Қайсар Жанахановқа 141 млн теңге көлемінде айыппұл салынды. Бұл шешімді Астанадағы Байқоңыр ауданының № 2 соты қабылдаған деп хабарлайды Tengrinews.kz агенттігіне сілтеме жасаған NUR.KZ.

Қайсар Жанаханов пен экономика және қаржы комитетінің жетекшісі Арман Сәдуақасовқа 141 663 610 теңге және 57 250 000 теңге көлемінде айыппұл тағайындалды.

Олар 1,9 млн теңге пара алмақ болған.

Оған қоса, екі шенеунікке де мемлекеттік қызметте өмір бойына жұмыс істеуге тыйым салынды.