Нұрлан Бижанов Қызылорда облысының прокуроры болып тағайындалды

Қызылорда облысының жаңа прокуроры болып Нұрлан Бижанов тағайындалды деп хабарлайды zakon.kz сайтына сілтеме жасаған KAZ.NUR.KZ.

Ол прокуратура органдарындағы қызметін 1997 жылы Қызылорда облысы Арал ауданы прокурорының көмекшісі лауазымынан бастаған.

Бижанов Нұрлан Дәуренұлы 1976 жылы 20 желтоқсанда Қызылорда қаласында дүниеге келген. Прокуратура органдарында қызметін 1997 жылы бастаған. Қызылорда облысының Арал, Жаңақорған аудандарының прокуратураларында, Қызылорда және Жамбыл облыстарының прокуратураларында жұмыс істеген.

2005 жылдың қаңтарынан 2007 жылдың шілдесіне дейін-Қызылорда облысы Сырдария ауданының прокуроры.

2007 жылғы шілдеден 2008 жылғы қарашаға дейін - Қызылорда прокуроры.

2008 жылдың қараша айынан 2010 жылдың қараша айына дейін-Қызылорда облысы прокурорының орынбасары.

2010 жылдың қараша айынан 2012 жылдың сәуір айына дейін-Қазақстан Республикасы Бас прокурорының аға көмекшісі.

2012 жылдың сәуір айынан бастап Шығыс Қазақстан облысы прокурорының орынбасары қызметін атқарды.