Мамин Түркістандағы құрылысты түнде барып тексеретін болды (фото)
Опубликовано:
Бүгін Үкімет басшысы Асқар Мамин облыс орталығының даму жоспарына сәйкес жүріп жатқан нысан құрылыстарының жұмысымен танысу үшін Түркістан облысына іссапармен келді деп хабарлайды өңірдегі KAZ.NUR.KZ тілшісі.
Асқар Мамин қаланы дамыту бағытында жүріп жатқан нысандар жұмысымен танысып, бассейні бар спорт сарайының құрылысы басына барды.
Сондай-ақ, аталған жобаны салып жатқан компания басшысына жұмысты тездету керектігін тапсырды.
Түркістан қаласын дамытуға бағытталған жобалар уақытында пайдалануға берілуі тиіс. Сондықтан құрылыс жұмысын тәулік бойы жүргізуге тура келеді.
"Түркістанға жасайтын келесі сапарымда арнайы түнгі уақытта келетін боламын", - деген Үкімет басшысы құрылыстың үздіксіз жүргізіліп отырғанын бақылауға алатынын ескертті.
Мақаланың түпнұсқасы: https://kaz.nur.kz/politics/1791201-mamin-trkistandagy-krylys-tnde-baryp-tekseretin-boldy-foto/