Болашақ президентті таңдау үшін қазақстандықтардың 66%-ға жуығы дауыс беріп үлгерген

Орталық сайлау комиссиясы қазақстандықтардың ел президентінің сайлауына қатысуы туралы мәліметтерді жария етті. Сағат 16:00 жағдай бойынша 65,9 % дауыс берілген деп хабарлайды KAZ.NUR.KZ.

Облыстардың, республикалық маңызы бар қалалардың, астананың сайлау комиссияларының ұсынған мәліметтеріне сәйкес 2019 жылғы 9 маусым сағат 16.00-дегі жағдай бойынша тізімге енгізілген сайлаушылардың 65,9 % сайлау бюллетеньдерін алды. 

Елдегі сайлаушылардың жалпы саны - 11 947 995 адам.

Нұр-Сұлтанда - 49,6%, Алматыда - 45,7%, Шымкентте - 55,6% адам дауыс беріп үлгерген.

Белсенділік танытқан облыс- Ақтөбе болып шықты. Онда тұрғындардың 79,7%-ы, Алматы облысында - 78,9%, Ақмола облысында - 75,1%, Жамбыл облысында - 71,8%, Түркістан обылысында - 70%-ы дауыс берген.