Жээнбеков Атамбаев туралы: Оны жауап алуға куәгер ретінде шақырды, енді ол айыпталушы болады

Қырғызстан билігі елдің бұрынғы президенті Алмазбек Атамбаевтың үйіндегі оқиғаларға байланысты Жоғарғы Кенештің кезектен тыс отырысын өткізуге шешім қабылдады деп хабарлайды 24.kg-ге сілтеме жасаған KAZ.NUR.KZ.

Тағы да оқыңыздар:

Арнайы жасақ Атамбаевтың үйіне қайта шабуылды бастады>>

Қырғызстанның ҰҚК басшысы отставкаға кетуге дайын екенін мәлімдеді>>

МҰҚК: Атамбаевтың жақтастары тірі қалқан ретінде әйелдер мен балаларды қолданды>>

Кездесу барысында Сооронбай Жээнбеков арнайы жасақ жауынгерінің қазасына қатысты пікір білдірді.

Мемлекет басшысы марқұмның анасын танығанын, жақында ғана отандастар форумында кездескенін атап өтті.

Бұдан бөлек, мемлекет басшысы бұрынғы президент Алмазбек Атамбаевтың іс-әрекетіне баға берді.

Жээнбеков бұрынғы президент қолын қару алып, заңнаманы бұзғанын мәлімдеді.

Сондай-ақ, қазіргі мемлекет басшысының сөзінше, Атамбаев ел заңдарын қабылдамайтынын көрсеткен.

"Оны жауап алуға куәгер ретінде шақырса, енді ол ауыр қылмыс жасағаны үшін айыпталушы болады", - деп қоса кетті Сооронбай Жээнбеков.