Өмірбек Бабанов тұтқындалу қаупіне қарамастан Қырғызстанға оралды (фото)
Опубликовано:
"Республика — Ата Жұрт" фракциясының экс-көшбасшысы Өмірбек Бабанов Қырғызстанға оралды. Саясаткер ұшып келген ұшақ бірнеше сағат бұрын "Манас" әуежайына қонды деп жазады Sputnik Қырғызстанға сілтеме жасаған KAZ.NUR.KZ.
Осы жылдың сәуір айында Бабанов туған елге оралғысы келетінін мәлімдеген болатын, алайда дәл ұшып келетін күні болуы мүмкін арандатуларға байланысты бұл ойынан бас тартты. Шілде айында ол өз отанына оралғысы келетінін қайта айтты.
Енді, бүгін, 9 тамыз күні ол Бішкекке келді.
Бабанов ҰҚК-ның оның қылмыстық жауапкершілікке тартылатынын ескерткеніне қарамастан елге оралды.
Әуежайда Бабановты ондаған адам қарсы алды. Олар оның есімін асқақтатып, қол соқты.
Саясаткер жиналғандарға алғысын білдіріп, оның оралуына ешкімнің кедергі болмағанын айтты.
Бабанов ҰҚК-ның оның қылмыстық жауапкершілікке тартылатынын ескерткенін және ол "заң шеңберінде жауап беруге дайын" екенін мәлімдеді.
Айта кетейік, қазіргі уақытта Қырғызстанда күрделі саяси жағдай қалыптасты.
Мақаланың түпнұсқасы: https://kaz.nur.kz/politics/1810251-omurbek-babanov-ttkyndalu-kaupine-karamastan-kyrgyzstanga-oraldy-foto/
