Қасым-Жомарт Тоқаевтың ұлы тегін өзгертті
Опубликовано:
Қазақстандық саясаттанушы, саясат тақырыбындағы ең танымал арналардың бірінің авторы Ербол Еділов мемлекет басшысы Қасым-Жомарт Тоқаевтың ұлы тегін өзгерткенін айтып берді деп хабарлайды KAZ.NUR.KZ.
Саясаттанушы өзінің Telegram-арнасында Қазақстан президентінің ұлының фотосы мен қазіргі төлқұжат деректерін жария етті.
"ҚР президентінің ұлы, кәсіпкер Тимур Тоқаев тегін өзгертіп, енді Тимур Кемел болды", – деп жазды ол.
Еске сала кетейік, биылғы қазан айында Маңғыстау облысы әкімінің штаттан тыс кеңесшісі болып табылатын Ербол Еділов өзінің Telegram-арнасында мемлекет басшысы Қасым-Жомарт Тоқаевтың ұлы Тимур Тоқаевтың суретін жариялаған болатын.
Ашық дереккөздерден Тимурдың 1984 жылы дүниеге келгені және кәсіпкер болып табылатыны белгілі.
Ол 2009 жылы "Батысқа қатысты Қазақстан Республикасының стратегиясы " тақырыбында диссертация қорғап, саяси ғылымдарының кандидаты дәрежесін алды.
Кемел – Тимурдың атасының, Қасым-Жомарт Тоқаевтың әкесінің есімі. Президент өзінің кітабында отбасы, әкесі жайлы егжей-тегжейлі баяндайды.
Кемел Тоқаев соғыс ардагері, танымал журналист және жазушы болған. Оның есімі публицистика мен әдебиет саласында жиі аталатын. Сондай-ақ оның Қазақстандағы детектив жанрының негізін салушы болып танылғанын айта кету керек.
Мақаланың түпнұсқасы: https://kaz.nur.kz/politics/1830128-kasym-zomart-tokaevty-ly-tegin-zgertti/
