Доллар құны 431 теңгеге шарықтап кетті

Опубликовано:

Доллар
Көрнекі фото: interfax.com.ua

Америкалық валюта қымбаттауын жалғастыруда. Тәулік ішінде доллар 2,5 теңгеге қымбаттап, құны 426 теңгеге жетті. Бұл туралы KAZ.NUR.KZ порталы Қазақстан қор биржасының (KASE) сайтына сілтеме жасап хабарлайды.

Қазақстан қор биржасының сайтында жария болған мәліметтерге сәйкес, бір апта ішінде доллар бағасы 7,7 теңгеге өскен. 9 тамыздың түскі уақытында америкалық валютаның құны 426 теңгені құрады. Сол арада валюта бағамы бойынша парақшалардағы мәліметке сүйенсек, тұрғындар алматылық долларды 427,5 - 429,5 теңгеге сатып алуда. Кей айырбас нүктелерінде америкалық валюта құны бір долларға 431 теңгені құрап отыр.

Еліміздің астанасы Нұр-Сұлтанда доллар бағасы Алматымен салыстырғанда айтарлықтай айырмашылық көрсетпеуде. Елордада бір доллар құны 428,5 - 431 теңгені құрап отыр.

Еске салсақ, Министрлер кабинетінің онлайн жиналысында Ұлттық банк басшысы теңгенің құлдырау себебін түсіндірген болатын. Ерболат Досаевтың мәлімдеуінше, дамушы елдердің валюталары дамыған елдерге қарағанда әлсіздене түскен.

Досаев АҚШ пен Қытай арасындағы сауда жанжалы мен коронавирустың екінші толқыны болуы мүмкіндігінен теңгенің әлсіреу қаупі сақталатынын атап өткен болатын.

Сол арада елімізде үй бағасы да қымбаттап жатқанын жазған болатынбыз. Ұлттық экономика министрлігі статистика комитетінің мәліметтеріне сәйкес, елімізде жаңа баспананың орташа құны ағымдағы жылдың тамызында шаршы метріне 300 385 теңгені құраған.

Мақаланың түпнұсқасы: https://kaz.nur.kz/politics/1873364-dollar-kny-431-tegege-saryktap-ketti/