Top.Mail.Ru

Сайт нұсқасы

ru kz

Зектілері

Тоқаев Меркельге құттықтау жеделхатын жолдады

Опубликовано:

Меркель1
Ангела Меркель. Фото: Andreas Gora - Pool/Getty Images

Қазақстан президенті Қасым-Жомарт Тоқаев Германияның біріккеніне 30 жыл толуына орай ГФР Федералдық президенті Франк-Вальтер Штайнмайерге және ГФР Федералдық Канцлері Ангела Меркельге құттықтау жеделхатын жолдады деп хабарлайды KAZ.NUR.KZ.

Бұл туралы мемлекет басшысының баспасөз хатшысы Берік Уәли Facebook-тегі ресми парақшасында мәлімдеді.

"Германияның біртұтас мемлекет ретінде қайта қалпына келтірілуі ХХ ғасырдағы маңызды оқиғалардың бірі болғаны күмәнсіз. Сіздердің елдеріңіз теңдік пен бірлік, еркіндік пен әділдік сияқты құндылықтарды басшылыққа ала отырып, бүгінде Еуропаны дамытудың қозғаушы күші ғана емес, сондай-ақ, беделді держава болды. Елдің бұл жетістігі жаһандық деңгейде бүкіл әлемде мойындалды, – делінген Мемлекет басшысының Франк-Вальтер Штайнмайерге жолдаған хатында.
Frank-Walter Steinmeier1
Франк-Вальтер Штайнмайер. Фото: Andreas Gora - Pool/Getty Images

Қазақстан президентінің Канцлер Ангела Меркельге жолдаған құттықтауында Германияның қазіргі уақытта саяси жүйесі күшті, экономикасы дамыған, ғылым мен білім, өнеркәсіп пен инновация салаларында жетістікке жеткен озық мемлекетке айналғаны атап өтілген. Мемлекет басшысы "Германия келешекте де дәйекті түрде ілгерілей береді және өз даму жолында биік белестерді бағындырады" деп сенім білдірді.

Қасым-Жомарт Тоқаев ГФР басшыларына жолдаған құттықтауында былтыр желтоқсан айында Берлинге жасаған сапарында қол жеткізген уағдаластықтарды жоғары бағалады. Сонымен қатар олардың жүзеге асырылуы Қазақстан мен Германия арасындағы көпжақты ынтымақтастыққа тың серпін беретініне сенім білдірді.

Еске салсақ, Қазақстан президенті Кувейт мемлекетінің Әмірі шейх Наууаф әл-Ахмад әл-Джабер Ас-Сабахтың аса жауапты лауазымға тағайындалуына байланысты құттықтау жеделхатын жолдаған еді.

Оған қоса, Қасым-Жомарт Тоқаев АҚШ президенті Дональд Трамп пен оның жұбайы Меланияның коронавирустан тезірек сауығып кетуіне тілектестік білдірген болатын.

Мақаланың түпнұсқасы: https://kaz.nur.kz/politics/1877665-tokaev-merkelge-kttyktau-zedelhatyn-zoldady/

pixel