RU

Қарағанды облысында судья ұсталды

сотт
Көрнекі фото: pixabay.com

Әлеуметтік желілерде Қарағанды ​​облысының мамандандырылған ауданаралық экономикалық сотының судьясы қамауға алынғаны туралы жаңалықтар пайда болды. Ақпаратқа облыстық соттың баспасөз қызметінде түсініктеме берілді деп хабарлайды KAZ.NUR.KZ.

Әлеуметтік желілерде көрсетілгендей, сот қызметкері 30 мың доллар пара алу кезінде ұсталған.

Ақпаратқа Қарағанды ​​облыстық сотының баспасөз қызметі Facebook-тегі ресми парақшасында түсініктеме берді.

"Сыбайлас жемқорлыққа қарсы іс-қимыл агенттігі Жоғарғы Соттың Ішкі қауіпсіздік қызметімен бірлесіп, Қарағанды облысы МАЭС судьясын пара алу кезінде ұстады. Тергеу амалдарының жүргізілуіне байланысты басқа ақпарат жарияланбайды", – делінген ресми мәлімдемеде.

Ведомствода параның нақты мөлшері мен күдіктінің аты-жөні жарияланбады.

Еске салсақ, жеті жылға бас бостандығынан айырылған Қызылорда облысының бұрынғы әкімі Қуанышбек Ысқақовтың туыстары үкіммен келіспейтінін жеткізді.

Оған қоса, "Әкеме негізсіз айып тағылды" деген Айдана Досмайылова сотта ешбір дәлел ескерілмегеніне наразы. Сонымен қатар, бойжеткен Арыстағы жарылыстан зардап шеккендерге мемлекеттік қызметкерлердің бір күндік жалақысын бөлу туралы бұйрықты әкем берген жоқ дейді. Өйткені Қуанышбек Ысқақов сол мезетте облыс әкімінің орынбасары лауазымында болып, қаржы мәселесін шешу құзыретіне ие болмапты.

Ал талан-таражға түсті делінген 80 миллион теңге "Сыр мейірімі" қоры арқылы 4 фирмаға теңдей аударылып, қаражат мақсатты жұмсалған дейді Айдана Досмайылова.

Мақаланың түпнұсқасы: https://kaz.nur.kz/politics/1897681-qaragandy-oblysynda-sudya-ustaldy/