RU

"Отставкаға кетуге дайынмын": Райымқұлова орынбасарының ұсталуына қатысты

Ақтоты Райымқұлова
Фото: egemen.kz

Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, отставкаға кетуге дайын екенін мәлімдеді деп хабарлайды Sputnik Қазақстан.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Ақтоты Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды.

Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Мақаланың түпнұсқасы: https://kaz.nur.kz/politics/1912538-ostavkaga-ketuge-daiynmyn-raiymqulova-orynbasarynyn-ustaluyna-qatysty/