Тоқаевтың Тәжікстанға жасаған ресми сапарының видеосы жарияланды

Мемлекет басшысы Қасым-Жомарт Тоқаевтың Тәжікстан Республикасына ресми сапарының қорытындысы бойынша бейнеролик жарияланды деп жазады KAZ.NUR.KZ.

Видеоны Қазақстан президентінің баспасөз хатшысы Facebook әлеуметтік желісіндегі парақшасында жүктеді.

"Қазақстан Президенті Қасым-Жомарт Тоқаевтың Тәжікстан Республикасына ресми сапарының қорытындысы бойынша бейнеролик", деді Берік Уәли.

Естеріңізге сала кетейік, он тоғызыншы мамыр күні мемлекет басшысы Қасым-Жомарт Тоқаев Тәжікстан президенті Эмомали Рахмонның шақыруымен Душанбе қаласына екі күндік сапармен барған еді.

Бұл – Қазақстан президентінің биылғы алғашқы шетелдік сапары.

Қазақстан президентін Душанбе халықаралық әуежайында Тәжікстанның президенті Эмомали Рахмон және басқа да ресми тұлғалар күтіп алды.

Бүгін Қазақстан Республикасының президенті Қасым-Жомарт Тоқаев пен Тәжікстан Республикасының президенті Эмомали Рахмон бірлескен мәлімдеме жасады.

Сонымен қатар, мемлекет басшысы Тәжікстанның Маджлиси намояндагон Маджлиси Оли төрағасы Махмадтоир Зокирзодамен кездесті.