Top.Mail.Ru

Сайт нұсқасы

ru kz

Зектілері

Тоқаев Бас прокурорға бірқатар тапсырма берді

Опубликовано:

Ғизат Нұрдаулетов1
Фото: Ақорда

Мемлекет басшысы Қасым-Жомарт Тоқаев Бас прокурор Ғизат Нұрдәулетовті қабылдады. Президент Бас прокурордың еліміздегі заң нормаларының сақталуы жөніндегі есебін тыңдады деп хабарлайды Ақорданың баспасөз қызметі.

Кездесу барысында мемлекет басшысына елдегі қылмыстық ахуал, соның ішінде, алаяқтық, балаларға қатысты зорлық-зомбылық, заңсыз есірткі айналымы және басқа да қауіпті құқық бұзушылықтарға қарсы күресті үйлестіру шаралары туралы ақпарат берілді.

Сонымен қатар, Ғизат Нұрдәулетов қылмыстық іс жүргізудің үш буынды моделіне өтудің алғашқы кезеңінің іске асырылу барысы және 2022 жылдан бастап енгізіле бастайтын екінші кезеңге дайындық жөнінде есеп берді.

Президентке ел ішінде резонанс тудырған қылмыстық істерді тергеу нәтижелері және қоғамдық мүдделерді қорғау жөніндегі жұмыстардың қорытындысы туралы да баяндалды.

Бас прокурордың мәліметіне сәйкес, прокуратура органдарының қабылдаған шараларының нәтижесінде жыл басынан бері 5 мыңға жуық азаматтың, 92 мың кәсіпкердің құқықтары қорғалып, бюджетке 17 миллиард теңге қайтарылған. 11 мыңнан астам тұлға түрлі жауапкершілікке тартылған.

Сондай-ақ, қылмыстық-құқық саласындағы халықаралық ынтымақтастық мәселелері талқыланды. Атап айтқанда, Бас прокурор өзге елдермен жасалатын келісімдер мен алда болатын көпжақты іс-шараларға қатысу жоспарларымен бөлісті.

Қасым-Жомарт Тоқаев қоғамдық өмірдің барлық саласында заң үстемдігін қамтамасыз етудің маңыздылығын атап өтіп, Ғизат Нұрдәулетовке бірқатар тапсырма берді.

Мақаланың түпнұсқасы: https://kaz.nur.kz/politics/1926330-toqaev-bas-prokurorga-birqatar-tapsyrma-berdi/

pixel