Президент Құсайыновты Қорғаныс министрінің орынбасары етіп тағайындады

Марат Құсайынов Қорғаныс министрінің бірінші орынбасары болып тағайындалды деп хабарлайды Ақорда.

"Мемлекет басшысының өкімімен Марат Рақымұлы Құсайынов Қазақстан Республикасы Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы лауазымына тағайындалды" делінген құжат мәтінінде.

Айта кетейік, бұған дейін Қасым-Жомарт Тоқаев Нұрлан Ермекбаевтың қызметтен босату жөніндегі өтінішін қабылдаған еді.

Кейінірек Қазақстанның Қорғаныс министрі қызметіне Мұрат Бектанов келді. Тиісті жарлыққа Қасым-Жомарт Тоқаев қол қойды.

"Мұрат Кәрібайұлы Бектанов Қазақстан Республикасының Қорғаныс министрі лауазымына тағайындалсын", - делінген президент жарлығында.