RU

Душанбеде ҰҚШҰ Ұжымдық қауіпсіздік кеңесінің сессиясы басталды (видео)

Фото
Фото: facebook.com / Берік Уәли

Тәжікстанда ҰҚШҰ Ұжымдық қауіпсіздік кеңесінің сессиясы басталды. Бұл туралы мемлекет басшысының баспасөз хатшысы Берік Уәли хабарлады.

"Душанбе қаласында ҰҚШҰ Ұжымдық қауіпсіздік кеңесінің сессиясы басталды", - деп жазды Берік Уәли.

Еске сала кетсек, бұған дейін мемлекет басшысы Қасым-Жомарт Тоқаев Душанбе қаласына келгенін жазған едік.

Қазақстан президенті 16-17 қыркүйек күндері өтетін ҰҚШҰ Ұжымдық қауіпсіздік кеңесінің сессиясына және Шанхай ынтымақтастық ұйымына мүше мемлекет басшылары кеңесінің отырысына қатысады.

Іс-шараларда Ауғанстанның қазіргі ахуалы, халықаралық және аймақтық қауіпсіздік, аталған ұйымдарға мүше мемлекеттердің ынтымақтастық мәселелері талқыланады.

Сонымен қатар Қасым-Жомарт Тоқаев бірқатар мемлекет басшыларымен екіжақты кездесулер өткізеді.

Мақаланың түпнұсқасы: https://kaz.nur.kz/politics/1932350-dusanbede-uqsu-uzymdyq-qauipsizdik-kenesinin-sessiyasy-bastaldy-video/