RU

Мемлекет басшысы Түркі ұйымының заманауи технопарктер орталығын құруды ұсынды

Қасым Жомарт Тоқаев
Фото: Ақорда

Мемлекет басшысы Қасым-Жомарт Тоқаев Түркі ұйымының заманауи технопарктер орталығын құру мәселесін зерделеуге шақырды, деп хабарлайды Ақорда.

«Біз инновациялар мен стартаптарды дамытуға қолайлы жағдай жасауымыз қажет. Бұл – ақпараттық технология дәуірінің басты талабының бірі. Сіздерді Түркі ұйымының заманауи технопарктер орталығын құру мәселесін зерделеуге шақырамын», - деді Қасым-Жомарт Тоқаев Түркі мемлекеттері ұйымының саммитінде.

Сонынемн қатар президент келесі жылы IT саласында еңбек етіп жүрген жастардың арнайы форумын өткізуді ұсынды.

«Оны «Astana Hub» халықаралық IT-стартаптар технопаркінде ұйымдастыруға болады. Қазір онда 560-тан астам компания жұмыс істеп жатыр. Оның 55-і – шетелдік компания. Стартаптар соңғы 2,5 жылда 375 миллион доллардан астам пайда тапты. Сондай-ақ, 132 миллион долларға жуық инвестиция әкелді. Жалпы, «Astana Hub» технопаркінде жеңілдетілген визалық режим бар. Ал, онда жұмыс істейтін компаниялар салықтан босатылады», - деді мемлекет басшысы.

Мақаланың түпнұсқасы: https://kaz.nur.kz/politics/1942108-memleket-bassysy-turki-uiymynyn-zamanaui-texnoparkter-ortalygyn-qurudy-usyndy/