Ақтөбе қаласының әкімі Асхат Шахаров тағы бір басшылық қызметке тағайындалды

Ақтөбе қаласының әкімі Асхат Шахаров Ақтөбе облысы Қазақстанның жауынгерлік өнер ассоциациясының басшысы болып тағайындалды. Бұл туралы қауымдастықтың ресми сайтында хабарланды.

Қазақстанның жауынгерлік өнер ассоциациясының бас директоры Абат Имамбаев Ақтөбе өңірінің спорт қауымына Ақтөбе облысы бойынша ЖӨА-ның жаңа басшысы Асхат Шахаровты таныстырды.

Асхат Шахаровтың Ақтөбе қаласының әкімі екені атап өтілді.

Сонымен қатар, Шахаров бұрын атақты спортшы болған. Ол дзюдо мен самбодан еңбек сіңірген спорт шебері, дзюдодан әлем чемпионатының қола жүлдегері, самбодан үш дүркін әлем чемпионы, екі дүркін әлем кубогының жеңімпазы, үш дүркін Азия чемпионы, Сиднейде өткен Олимпиада ойындарына қатысқан.

Осы орайда, ҚЖӨА басшылығы өңірдегі жекпе-жек өнеріне, сондай-ақ балалар мен жасөспірімдер спортының дамуына серпін беріліп, азаматтар үшін спорттың қолжетімді болатынына сенім білдірген.