Ақылы жолдарда кімдер жеңілдікпен жүре алады

Опубликовано: 07 желтоқсан 2021, 19:42

Қазақстанда ақылы жолдарда кімдердің жеңілдікпен жүре алатыны белгілі болды, деп хабарлайды BAQ.KZ.

Төменде көрсетілген аудандарда тіркелген жеңіл автокөлік құралдарының иелері мұндай мүмкіндікті пайдалануға құқылы.

1. "Қапшағай – Талдықорған" тасжолында - Қапшағай, Кербұлақ, Көксу, Ескелді аудандары, сондай-ақ, Талдықорған қаласы;

2. "Тараз – Қайнар" тасжолында - Қордай, Шу, Меркі, Тұрар Рысқұлов, Байзақ аудандары;

3. "Шымкент – Тараз" тасжолында - Сайрам, Түлкібас, Жуалы, Жамбыл аудандары;

4. "Шымкент – Қызылорда" тасжолында - Кентау, Сауран, Ордабасы, Байдібек, Сайрам, Жаңақорған, Шиелі аудандары;

5 "Шымкент – Ташкент" тасжолында - Төле би, Қазығұрт, Сарыағаш аудандары;

6. "Щучинск – Көкшетау" тасжолында - Бурабай, Зеренді аудандары, Щучинск қаласы;

7. "Нұр-Сұлтан – Павлодар" тасжолында - Целиноград, Ерейментау аудандары, Екібастұз және Ақсу қалалары.