"Жете түсінетін кез келді": Қасым-Жомарт Тоқаев маңызды мәлімдеме жасады

Опубликовано:

Қасым-Жомарт Тоқаев
Қасым-Жомарт Тоқаев. Видеодағы кадр: youtube.com/PTRKKZ

Мемлекет басшысы республика тәуелсіздігінің 30 жылдығына арналған шарада сөйлеген сөзінде Қазақстан халқына маңызды үндеу жолдады деп хабарлайды KAZ.NUR.KZ.

"Қазақстандағы тыныштық пен тұрақтылық үшін, ең алдымен, ел иесі – қазақ халқы – жауапты. Осыны жете түсінетін кез келді. Біз әрдайым кеңпейіл болып, өзге этнос өкілдеріне қамқорлық танытуымыз керек. Сонда ғана берекелі бірлігімізді сақтап, тату-тәтті өмір сүреміз", – деді Тоқаев.

Мемлекет басшысы енді Тәуелсіздіктің төртінші онжылдығына қадам басқалы тұрғанымызды еске салды.

"Бұл кезең бізге жаңа міндеттер жүктейді. Мемлекеттігімізді одан әрі нығайтып, халқымыздың әл-ауқатын арттыра түсуіміз керек. Сондықтан, барлық саладағы реформаны жалғастыра береміз", – деді президент.

Тоқаев, ең бастысы, тұрақтылықты сақтай білуіміз қажет екенін айтты.

"Ең бастысы, бейбіт өмірді, тыныштық пен тұрақтылықты сақтай білуіміз қажет. Сонда азаматтарымыз Тәуелсіздіктің игілігін әрдайым сезінетін болады. Біздің мақсатымыз – осы", – деді Қасым-Жомарт Тоқаев.

Мақаланың түпнұсқасы: https://kaz.nur.kz/politics/1947134-zete-tusinetin-kez-keldi-qasym-zomart-toqaev-manyzdy-malimdeme-zasady/