Саакашвили түрмеге ауыстыру туралы естігенде ауруханада есін жоғалтқанын айтты

Грузияның бұрынғы президенті Михаил Саакашвили өзін белгісіз біреулер ауруханадан алып шықпақ болғанын айтты. Экс басшының сөзінше, ер адамдарға қарсылық көрсету кезінде ол есін жоғалтқан, деп хабарлайды РИА Новости.

Саакашвилидің хатын адвокаты Ника Гварамия оқып берді. Онда бұрынғы президент қара киім киіп алған ер адамдардың бөлмеге кіріп, басқа орынға көшіретіндерін айтқанын жеткізген.

"Мен қысымымды өлшеуімді талап еттім, қысым 180 болды, ал екінші рет тексерген соң - 200/110, сол уақытта қалыпты қысымым - 120/80 еді. Менің ойымша, бұл гипертониялық дағдарыс болды. Бұл ешқашан импульс пен қысым тұрғысынан осындай күйде болған емес. Бұдан кейін олар мені күштеп алып кетуге тырысты, мен қарсылық білдірдім, содан кейін есімнен танып қалдым, кейбір сәттер есімде жоқ", – деді Грузияның экс-президенті.

Саакашвилидің айтуынша, оянғанда дәрігер оның түрмеге ауысуы туралы ақпаратты жоққа шығарған.