Биыл Қазақстан ТМД-ға төрағалық етеді
Опубликовано:
1 қаңтардан бастап Қазақстан Беларусьтен Тәуелсіз Мемлекеттер Достастығына төрағалықты қабылдайды, деп хабарлайды ҚазАқпарат.
Бұған дейін 2021 жылғы қарашада Тәуелсіз Мемлекеттер Достастығы үкіметтерінің басшылары кеңесінің отырысында ТМД шеңберіндегі өзара экономикалық іс-қимылдың өзекті мәселелері талқыланған еді.
Оның нәтижесінде ақпараттық-телекоммуникациялық желілерде авторлық құқық және сабақтас құқық объектілеріне құқықтарды сақтау және қорғау бойынша ТМД-ға қатысушы мемлекеттердің ынтымақтастығы туралы келісім қабылданды.
2022 жылы ТМД-ға Қазақстан төрағалық етеді. ТМД үкіметтерінің басшылары кеңесінің келесі отырысын 2022 жылы мамыр айында Нұр-Сұлтан қаласында өткізу жоспарланған.
Мақаланың түпнұсқасы: https://kaz.nur.kz/politics/1949564-qazaqstan-tmd-ga-toragalyqty-qabyldady/