Мемлекеттік күзет қызметіне жаңа басшы тағайындалды
Опубликовано:
Қасым-Жомарт Тоқаевтың Жарлығымен Сәкен Исабеков Мемлекеттік күзет қызметі бастығының орынбасары – Қазақстан Республикасы Президентінің Күзет қызметінің бастығы лауазымынан босатылып, Мемлекеттік күзет қызметінің бастығы болып тағайындалды, деп хабарлайды KAZ.NUR.KZ Ақордаға сілтеме жасап.
"Мемлекет басшысының өкімімен Сәкен Сайынұлы Исабеков Қазақстан Республикасы Мемлекеттік күзет қызметі бастығының орынбасары – Қазақстан Республикасы Президентінің Күзет қызметінің бастығы лауазымынан босатылды";
"Сәкен Сайынұлы Исабеков Қазақстан Республикасы Мемлекеттік күзет қызметінің бастығы лауазымына тағайындалсын", - делінген ресми құжатта.
Естеріңізге сала кетсек, бұған дейін Кәрім Мәсімовтің ҰҚК басшысы қызметінен босатылып, орнына Ермек Сағымбаевтың тағайындалғаны туралы хабарлаған едік.
Мақаланың түпнұсқасы: https://kaz.nur.kz/politics/1949970-memlekettik-kuzet-qyzmetine-zana-bassy-tagaiyndaldy/
