Қырғызстан премьер-министрі Смайыловты жаңа қызметімен құттықтады

Премьер-министр Әлихан Смайылов Қырғыз Республикасы министрлер кабинетінің төрағасы Ақылбек Жапаровпен телефон арқылы сөйлесті, деп хабарлайды primeminister.kz.

Әңгімелесу барысында Ақылбек Жапаров Әлихан Смайыловты премьер-министрі лауазымына тағайындалуымен құттықтаған.

Сонымен қатар, Қазақстанда тұрақтылықтың тезірек қалпына келуіне және елдің әлеуметтік-экономикалық даму міндеттерінің табысты шешілуіне тілектестігін білдірген.

Сондай-ақ, тараптар стратегиялық әріптестікті одан әрі нығайтуға дайын екендіктерін айтқан.

"Қазақстан үкіметі бауырлас Қырғыз Республикасымен стратегиялық серіктестікті арттыру бағытын берік ұстанады", - дейді Әлихан Смайылов.

Одан бөлек, әңгімелесу барысында екіжақты сауда-экономикалық ынтымақтастық мәселелері талқыланған.

Естеріңізге сала кетейік, 11 қаңтардағы мәжіліс отырсында Әлихан Смайылов еліміздің жаңа премьер-министрі болып тағайындалды.