RU

Тоқаев ҰҚШҰ-ға мүше мемлекет басшыларымен телефон арқылы сөйлесті

Фото
Фото: Ақорда

Қасым-Жомарт Тоқаев ҰҚШҰ-ға мүше мемлекеттердің басшыларымен телефон арқылы сөйлесті, деп хабарлайды Ақорда.

Мемлекет басшысы Қасым-Жомарт Тоқаев Ресей президенті Владимир Путинмен, Арменияның премьер-министрі Никол Пашинянмен, Беларусь президенті Александр Лукашенкомен, Қырғызстан президенті Садыр Жапаровпен және Тәжікстан президенті Эмомали Рахмонмен телефон арқылы сөйлесті.

Қасым-Жомарт Тоқаев ұжымдық қауіпсіздік туралы шарт ұйымындағы әріптестеріне бүгін, 13 қаңтарда бітімгерлік күштердің елімізден шығарыла бастағаны жөнінде мәлімет беріп, Қазақстанға жасалған террорлық шабуыл кезінде қолдау көрсеткендері үшін алғыс білдірді.

Мемлекет басшысы ұжымдық бітімгерлік күштерінің Қазақстанға қысқа мерзімге келуі ҰҚШҰ-ның беделді халықаралық ұйым ретінде қажетті әрі тиімді екенін көрсетті деп атап өтті.

Мақаланың түпнұсқасы: https://kaz.nur.kz/politics/1951033-toqaev-uqsu-ga-muse-memleket-bassylarymen-telefon-arqyly-soilesti/