RU

Жаслан Мәдиев лауазымды қызметке тағайындалды

Министрдің орынбасары
Фото: primeminister.kz

Үкіметтің қаулысымен Жаслан Хасенұлы Мәдиев цифрлық даму, инновациялар және аэроғарыш өнеркәсібі бірінші вице-министрі қызметіне тағайындалды, деп хабарлайды primeminister.kz.

Айта кетерлігі, Мәдиев бұған дейін стратегиялық жоспарлау және реформалар агенттігі төрағасының орынбасары болған еді.

Күні кеше мемлекет басшысының жарлығымен оның қызметінен босатылғаны туралы хабарладық.

Жаслан Мәдиев 1983 жылы Алматы қаласында дүниеге келген.

Әл-Фараби атындағы Қазақ ұлттық университетін, Колумбия университетін, Массачусетс технологиялық институтын тәмамдаған. 

Еңбек жолын 2004 жылы "Альянс Банк" АҚ Халықаралық қатынастар департаментінің Халықаралық қаржы институттарымен жұмыс басқармасының маманы болып бастаған.

2007-2008 жылдары — "Қазына" тұрақты даму қоры" АҚ корпоративтік қаржыландыру департаментінің бас менеджері.

2008 жылы Қазақстан Республикасы Президенті Әкімшілігінің Стратегиялық талдау және зерттеулер орталығында, "Самұрық-Қазына" ұлттық әл-ауқат қоры" АҚ-да жұмыс істеді.

2009-2010 жылдары — "KAZYNA CAPITAL MANAGEMENT" АҚ басқарма төрағасының орынбасары.

2010-2014 жылдары — "Қазақстанның даму банкі" АҚ басқарушы директоры-мүшесі, басқарма төрағасының орынбасары.

2014-2015 жылдары ҚР Ұлттық банкінің құрылымында басшылық лауазымдарды атқарды.

2017-2018 жылдары — "Қазақстан темір жолы" ұлттық компаниясы" АҚ вице-президентінің міндетін атқарушы, қаржы жөніндегі вице-президенті.

2018 жылы "Қазақстан темір жолы" ұлттық компаниясы" АҚ қаржы жөніндегі басқарма төрағасы болып тағайындалды.

2019-2020 жылдары — Қазақстан Республикасының ұлттық экономика вице-министрі.

2020 жылғы қазаннан бастап қазіргі таңға дейін Қазақстан Республикасының Стратегиялық жоспарлау және реформалар жөніндегі агенттігі төрағасының орынбасары қызметін атқарды.

Мақаланың түпнұсқасы: https://kaz.nur.kz/politics/1951116-madiev-cifrlyq-damu-innovaciyalar-zane-aerogarys-onerkasibi-birinsi-vice-ministri-bolyp-tagaiyndaldy/