Тоқаев: Үкімет жекелеген топтардың емес, халықтың мүддесі үшін жұмыс істеуге тиіс

Мемлекет басшысы Қасым-Жомарт Тоқаев өз Twitter парақшасында үкімет халық мүддесі үшін жұмыс істеуге тиіс екенін айтты, деп хабарлайды KAZ.NUR.KZ тілшісі.

"Үкімет бәз біреулердің мүддесін көздейтін жекелеген топтардың емес, халықтың мүддесі үшін жұмыс істеуге тиіс. Тиімді мемлекеттік басқару тұрақты әрі шынайы болуы керек",- деп жазды президент.

Сонымен қатар, ол қоғамның моральдық стандарттарына тоқталды.

"Біз сапалы мемлекеттік басқарудың берік негізін қалыптастыру үшін үкімет пен қоғамның моральдық стандарттарын жақсартуымыз керек",- деді мемлекет басшысы.