Мемлекет басшысы қай салаларға түбегейлі өзгеріс енгізу керек екенін айтты
Опубликовано:
"Nur Otan" партиясының кезектен тыс съезінде мемлекет басшысы Қасым-Жомарт Тоқаев Қазақстанда қандай салаларға өзгеріс керек екенін атап өтті, деп хабарлайды Ақорданың Тwitter әлеуметтік желісіндегі парақшасы.
"Қоғамдық құндылықтар жүйесіне, саяси және әлеуметтік-экономикалық салаларға түбегейлі өзгеріс енгізу қажет. Осы ретте, азаматтық қоғам институттарына зор міндет жүктеледі. Әсіресе, саяси партиялар айрықша рөл атқарады", - деді Тоқаев.
Осы орайда мемлекет басшысы осы уақытқа дейінгі жетістіктерден айырылып қалмау маңызды екенін атап өтті.
"Біз бұған дейінгі жетістіктерімізден айырылып қалмауымыз керек. Мемлекетімізді нығайтып, кез-келген сынаққа дайын болуымыз қажет. Табысқа жету үшін, ең алдымен, ауызбіршілік керек екенін есте ұстайық", - деді ол.
Айта кетейік, бұған дейін Қасым-Жомарт Тоқаев "Nur Otan" партиясының Төрағасы болып бірауыздан сайланғанын жазған едік.
Мақаланың түпнұсқасы: https://kaz.nur.kz/politics/1953542-memleket-bassysy-qai-salalarga-tubegeili-ozgeris-engizu-kerek-ekenin-aitty/