Тоқаев министрлерді ауыстыруға қатысты: Қызметкерді "көшеден" тағайындауға болады, бірақ оның салдары бар

Опубликовано:

Шенеунік
Көрнекі сурет: pixabay.com

Қасым-Жомарт Тоқаев "Хабар 24" телеарнасына берген сұхбатында еліміздегі министрлердің ауысуы туралы сұраққа жауап берді. Журналист кадрлық ауыс-түйістерді қазақстандықтар "бәрі бұрынғыдай болып қалды" деп сипаттайтынын жеткізді, деп хабарлайды KAZ.NUR.KZ тілшісі.

Сұхбат алушы журналист Тоқаевтан барлық шенеуніктерден құтылып, "бәрін босатып, үкіметті қайта құру" мүмкіндігі бар-жоқтығын сұрады, өйткені қазақстандықтар еліміздегі кадрлық өзгерістер туралы "бәрі бұрынғыдай болып қалды" деп сипаттайтынын алға тартты.

"Мен кадрларды жаппай ауыстыруға қарсымын. Оларды біліктілігі мен жұмыс сапасына қарай бағалау қажет. Осылайша жұртшылықтың талабымен үкіметті 100 пайыз ауыстырып, "міне, мен революционермін" деу - менің әдісім емес.

Екінші жағынан, таңдау көп емес екенін мойындау керек. Бір әзіл бар ғой, Берия Сталинге келіп: "Жазушыларды бірдеңе істеу керек, Фадеев, Шолохов, Вишневский, Симоновтар ішеді, Толстой да ұрттап алады дегенде - Сталин: "Менде басқа жазушы жоқ", – деп жауап берген", - дейді Қасым-Жомарт Тоқаев.

Мемлекет басшысы лайықты министрлерді іздеу керегін айтты.

"Әрине, қызметкерді "көшеден" тағайындай салуға болады, тарихта мұндай сәттер де болған. Бірақ бұның өз салдары бар. Онсыз да күрделі жағдайды одан сайын тұрақсыздандырады, теңгерімнің жоғалуына себеп болады.

Кадр мәселесінде сақтықпен қарау керек. Бұл оларды "сақтап отыру" керек дегенді білдірмейді. Алдағы уақытта жан-жақты ойластырылған өзгерістер болады", - деді президент.

Мақаланың түпнұсқасы: https://kaz.nur.kz/politics/1953673-toqaev-ministrlerdi-auystyruga-qatysty-qyzmetkerdi-koseden-tagaiyndauga-bolady-biraq-onyn-saldary-bar/

jitsu gif