Берік Уәли: Президенттің швейцариялық банкте қаржылық шоты, шетелде жылжымайтын мүлкі де жоқ

Опубликовано:

Қасым-Жомарт Тоқаев
Қасым-Жомарт Тоқаев. Фото: Ақорда

Мемлекет басшысы Қасым-Жомарт Тоқаевтың баспасөз хатшысы Берік Уәли Facebook парақшасында президентке ақпараттық шабуыл жасалып жатқанын айтты, деп жазады KAZ.NUR.KZ тілшісі.

"Кейбір бұқаралық ақпарат құралдары жазып жатқандай мемлекет басшысы Қасым-Жомарт Тоқаевтың швейцариялық банкте қаржылық шоты жоқ. Сондай-ақ, президенттің шетелдік банктер мен офшорлық компанияларға да ешқандай қатысы болмаған және шетелде жылжымайтын мүлкі де жоқ.

Қасым-Жомарт Кемелұлының бұрынғы жұбайының да мақалада жазылғандай ешқашан қаржылық шоты болмаған.

Тимур Тоқаевқа келетін болсақ, жасы 38-де. Ол – кәсіпкер, ешқашан мемлекеттік қызметте істемеген.

Өздеріңіз білесіздер, президент экономика мен саясаттағы монополияны шектеуге, реформаларды жүзеге асыруға күш салып келеді. Бұл мемлекет басшысының осындай шешімдерін жақтамайтын адамдардың әдейі таратып жатқан фейк ақпараттық шабуылы деп ойлаймын", - деп жазды Берік Уәли.

Мақаланың түпнұсқасы: https://kaz.nur.kz/politics/1957114-setelde-zylzymaityn-mulki-de-zoq-berik-uali-prezidentke-zasalyp-zatqan-aqparattyq-sabuyl-turaly-aitty/