Жапония мен Жаңа Зеландия кей ресейліктерге виза беруді тоқтатты

Жапон билігі Ресейге қарсы санкциялар жариялады, оның аясында кейбір ресейлік азаматтарға виза беруді тоқтатты.

Бұл шара нақты қандай Ресей азаматтарына әсер ететіні хабарланбаған.

Украинадағы қақтығыстардың басталуына байланысты Жапония премьер-министрі Фумио Кишида ресейлік қаржы институттарының да активтерін бұғатталатынын мәлімдеді.

Сондай-ақ олар Ресейге жартылай өткізгіштер мен басқа да тауарларды экспорттауға шектеу қояды.

Жапония өз әрекеттерін G7 елдері көшбасшыларымен және басқа да серіктестерімен келісе отырып жасауда, деп хабарлайды РБК.

Жаңа Зеландияның премьер-министрі Джакинда Ардерн ресейлік ресми тұлғалар мен Украинадағы жағдайға қатысы бар басқа тұлғаларға виза беруді тоқтатқанын мәлімдеді, деп хабарлайды RNZ.

"Біз қажет болған жағдайда сондай-ақ, әскери іс-қимылдар саны өскен сайын елге кіруге тыйым салуды ұзарта аламыз" - деді ол.

Сонымен қатар, Ресейдің әскери және құқық қорғау органдарымен байланысы бар тұлғаларға тауарларды экспорттауға тыйым салынады.

Мақаланың түпнұсқасы: https://kaz.nur.kz/politics/1957929-zaponiya-men-zana-zelandiya-kei-reseilikterge-viza-berudi-toqtatty/