Путин: Ресей Украинамен келіссөздер жүргізуге дайын

Опубликовано:

Владимир Путин
Владимир Путин. Фото: kremlin.ru

Ресей президенті Владимир Путин ҚХР төрағасы Си Цзиньпинмен телефон арқылы сөйлесу барысында Ресей Украинамен келіссөздер жүргізуге әзір екенін айтты.

Ресей президентінің сөзін Қытай Халық Республикасының Сыртқы істер министрлігі келтіреді, деп жазады РИА Новости.

"Ресей Украинамен жоғары деңгейде келіссөздер жүргізуге дайын",- деді Путин Қытай төрағасымен сөйлесу барысында.

Айта кетейік, бүгін Украина президенті Владимир Зеленский Ресей президенті Владимир Путинге келіссөздер жүргізуді ұсынған еді.

ҚХР төрағасы Си Цзиньпин Ресей мен Украинаның келіссөз жүргізуіне қолдау білдірді.

Мақаланың түпнұсқасы: https://kaz.nur.kz/politics/1958048-putin-resei-ukrainamen-kelissozder-zurgizuge-daiyn/