Киевтегі көпқабатты үйлердің біріне зымыран құлады (видео)

Киевтегі Жуляны әуежайының маңындағы тұрғын үйге снаряд түскені хабарланды. Зардап шеккендердің саны әлі анықталған жоқ.

Зымыран соққысының видеосы мен зақымдалған үйдің суреттерін украиналық УНИАН Telegram қауымдастығы жариялады.

Хабарланғандай, снаряд түскен үй Киевтің Жуляны әуежайы ауданындағы Лобановский көшесінде орналасқан.

Зардап шеккендер мен қаза тапқандар саны әлі жарияланған жоқ.

Кадрларда снарядтың көпқабатты үйдің бүйір қабырғасына түскені көрінеді. Бірнеше пәтерге зақым келген.

Кейінірек екі зымыранның үйге, біреуі ғимараттың төменгі бөлігіне түскені белгілі болды.