Украина Гаага халықаралық сотына Ресейге қарсы шағым түсірді
Опубликовано:
Украина БҰҰ-ның Гаагадағы халықаралық сотына Ресейге қарсы шағым түсірді, деп мәлімдеді Зеленский өзінің Twitter-дегі парақшасында.
"Украина ресми түрде Ресей Федерациясына қарсы БҰҰ-ның Гаагадағы Халықаралық сотқа шағым түсірді. Агрессияны ақтау үшін геноцид ұғымын бұрмалағаны үшін Ресейді жауапкершілікке тартуды талап етеміз. Соттан Ресей Федерациясынан тез арада әскери іс-қимылдарды тоқтатуға бұйрық беріп, келесі аптада-ақ тыңдалымдарды белгілеуді сұраймыз", - деп жазды Украина президенті.
Айта кету керек, соңғы деректерге сәйкес, Украина Беларусьтің Гомель облысында Ресеймен келіссөз жүргізуге келісті. Бұл туралы Ресей президентінің көмекшісі Владимир Мединский мәлімдеген.
Мақаланың түпнұсқасы: https://kaz.nur.kz/politics/1958251-ukraina-gaaga-xalyqaralyq-sotyna-reseige-qarsy-sagym-tusirdi/