Ертең президенттің төрағалығымен реформалар жөніндегі жоғары кеңестің отырысы өтеді
Опубликовано:
3 наурызда мемлекет басшысы Қасым-Жомарт Тоқаевтың төрағалығымен реформалар жөніндегі жоғары кеңестің отырысы өтеді. Бұл туралы президенттің баспасөз хатшысы Берік Уәли Facebook парақшасында хабарлады.
"Ертең, 3 наурыз күні мемлекет басшысы Қасым-Жомарт Тоқаевтың төрағалығымен реформалар жөніндегі жоғары кеңестің отырысы өтеді.
Жиын барысында геосаяси ахуалдың шиеленісуі және Ресейге қарсы санкциялардың қатаңдатылуы жағдайында дағдарысқа қарсы іс-қимыл жоспарын әзірлеу мәселесі қарастырылмақ.
Кеңес отырысында премьер-министр Әлихан Смайылов пен Ұлттық банк төрағасы Ғалымжан Пірматов баяндама жасайды", - деп жазды Берік Уәли.
Еске сала кетсек, бүгін, 2 наурызда Қасым-Жомарт Тоқаевтың төрағалығымен Қорғаныс министрлігінде армияны одан әрі дамыту мәселелері жөнінде кеңес өткен болатын.
Мақаланың түпнұсқасы: https://kaz.nur.kz/politics/1958940-erten-prezidenttin-toragalygymen-reformalar-zonindegi-zogary-kenestin-otyrysy-otedi/
