Жаңадан тағайындалған бас прокуор БАҚ өкілдерімен ашық жұмыс істеуге уәде берді

Бас прокуратураның жаңа басшысы Берік Асылов сенат кулуарында БАҚ өкілдерімен ашық жұмыс істеуге уәде берді, деп хабарлайды KAZ.NUR.KZ тілшісі.

Асылов журналистерге өз кандидатурасын Бас прокуратураның басшысы ретінде ұсынғанын алдын ала білгенін мойындады.

"Кеше маған Президент әкімшілігінен хабарлады. Бүгін парламентте келісу рәсімінен өтіп жатырмыз. Сенаторлар дауыс берді", - деді ол.

Бұл ретте ол сенат депутаттарына өзін қадағалау органының басшысы етіп тағайындауға келіскені үшін алғыс айтты. Олардың қарауына тиісті ұсынысты мемлекет басшысы енгізген.

"Баршаңызға маған сенім артқандарыңыз үшін алғыс айтамын", -деді Асылов.

Сондай-ақ, Асылов ведомствоның қоғаммен жұмысы қалай ұйымдастырылатынын атап өтті. Осыған дейін Бас прокуратура "жабық" ведомстволар қатарында еді.

"Үнемі ашық боламын. Кез келген мәселені сіздермен ашық түрде көтеріп, бірге жұмыс істейміз", -деді ол.

Алайда ол қаңтар оқиғасында қаза тапқан қазақстандықтар туралы сұраққа жауап бермеді.

"Бұл тізім міндетті түрде жасалады, сіздер де қатысасыздар. Қазір айта алмаймын", -деді Асылов.