Тоқаев Алматыда үстел теннисін ойнап, қолтаңба қалдырды (фото)

Қасым-Жомарт Тоқаев Халықаралық үстел теннисі федерациясының барлық талабына сай келетін Алматыдағы жаңа Үстел теннисі орталығын аралап көрді, деп хабарлайды Ақорда.

Президентке спорт кешенінің инфрақұрылымы таныстырылды. Сондай-ақ Мемлекет басшысы жас спортшы қызбен теннис ойнады.

Соңында Қасым-Жомарт Тоқаев жас спортшыларға сәттілік тілеп, теннис ракеткасына қолтаңба жазып берді.

Заманауи орталықта жарыс өткізетін 12  және жаттығу жасайтын 24 үстел бар. Зал үстел теннисіне қажетті алты автоматты тренажермен, кәсіби бейне және аудио құрылғылармен, көрермендерге арналған 328 орындықты трибунамен жабдықталған.