Top.Mail.Ru

Сайт нұсқасы

ru kz

Зектілері

Тоқаев "Зерде" ұлттық холдингін реформалау жөнінде тапсырма берді

Опубликовано:

Тоқаев Есеп комитетінің төрағасы Наталья Годунованы қабылдады
Фото: Ақорда

Мемлекет басшысы Қасым-Жомарт Тоқаев Есеп комитетінің төрағасы Наталья Годунованы қабылдады, деп хабарлайды Ақорда.

Кездесу барысында Наталья Годунова президентке биылғы бірінші тоқсандағы жоғары аудит органы қызметінің негізгі қорытындылары, сондай-ақ "Жаңа Қазақстан: жаңару мен жаңғыру жолы" атты Жолдауда берілген тапсырмалардың орындалу барысы жөнінде баяндады.

Осы есептік кезеңде 345 миллиард теңгеден астам бюджет қаржысын қамтитын 14 нысанда 3 аудиторлық іс-шара жүргізілген. Нәтижесінде 30 миллиард теңге көлеміндегі қаржыға қатысты заң бұзушылықтар анықталған. Сонымен қатар "Цифрлық Қазақстан" мемлекеттік бағдарламасына да аралық аудит жүргізілген.

Мемлекет басшысы бүгінде жеткілікті дәрежеде тиімді болмай отырған "Зерде" Ұлттық ақпараттық-коммуникациялық холдингін реформалау жөнінде тапсырма берді.

Қасым-Жомарт Тоқаев Есеп комитетін Жоғары аудиторлық палата ретінде қайта құру жөніндегі тапсырмасының іске асырылуына қатысты Наталья Годунованың ұсынысын тыңдады.

Мақаланың түпнұсқасы: https://kaz.nur.kz/politics/1965329-toqaev-zerde-ulttyq-xoldingin-reformalau-zoninde-tapsyrma-berdi/