Тоқаев қазақстандықтарға видеоүндеу жасайды

Бүгін Қазақстан президенті Қасым-Жомарт Тоқаев ҚР Конституциясындағы толықтырулар жөнінде үндеу жасайды. Бұл туралы Президент телерадиокешенінің ресми Telegram парақшасы хабарлады.

"Бүгін сағат 20: 00-де республикалық телеарналар эфирінде ҚР президенті Қасым-Жомарт Тоқаев Конституцияға өзгерістер мен толықтырулар енгізу мәселелері бойынша видеоүндеу жариялайды",- делінген хабарламада.

Айта кетейік, бүгін Қазақстан президентінің төрағалығымен Реформалар жөніндегі жоғары кеңестің кезекті отырысы өткен еді. Күн тәртібінде 3 мәселе қаралды. Жиын Алматы агломерациясын дамыту мәселесінен басталды.