Тоқаевтың жарлығымен Ұлы Отан соғысының үш ардагеріне "Халық қаһарманы" атағы берілді

Мемлекет басшысы Қасым-Жомарт Тоқаевтың жарлығымен Ұлы Отан соғысының үш ардагеріне "Халық қаһарманы" атағы берілді, деп хабарлайды Ақорда.

"1941-1945 жылдардағы Ұлы Отан соғысында көрсеткен ерлігі мен қаһармандығы үшін жоғары дәрежелі ерекшелік белгісі – "Халық қаһарманы" атағы беріліп, айрықша ерекшелік белгісі – Алтын жұлдыз бен "Отан" ордені тапсырылсын:

• Әбдібеков Төлеуғали  Насырханұлы (марқұм) – 8-ші гвардиялық Қызылтулы атқыштар дивизиясы 302-ші гвардия атқыштар полкі 2-ші атқыштар ротасының мергені
• Несмиянов Александр Александрович (марқұм) – 126-шы Горловка Қызылтулы атқыштар дивизиясы 690-шы атқыштар полкі 1-ші атқыштар батальонының командирі
• Сүлейменов Ыбырайым (марқұм) – 100-ші бөлек атқыштар бригадасы атқыштар батальоны 2-ші бөлімшесінің мергені-бақылаушысы", - делінген құжатта.

Жарлық қол қойылған күнінен бастап қолданысқа енгізіледі.