Тоқаев Ұлттық қордан трансферт мөлшерін 4 трлн теңгеге ұлғайту туралы заңға қол қойды

Қазақстан президенті Қасым-Жомарт Тоқаев Ұлттық қордан 2022 – 2024 жылдарға арналған кепілдендірілген трансферт туралы заңға қол қойды. Бұл туралы Ақорданың ресми сайты хабарлады.

"Мемлекет басшысы "Қазақстан Республикасының Ұлттық қорынан 2022 – 2024 жылдарға арналған кепілдендірілген трансферт туралы" Қазақстан Республикасының заңына өзгеріс енгізу туралы" Қазақстан Республикасының заңына қол қойды", - делінген ресми хабарламада.

Айта кетейік, сәуір айының соңында парламент мәжілісі Ұлттық қордан 2022 – 2024 жылдарға арналған кепілдендірілген трансферт мөлшерін 4 триллион теңгеге ұлғайтуды мақұлдаған болатын.

Ұлттық экономика бірінші вице-министрі Тимур Жақсылықов қаражат президент тапсырмаларын іске асыру үшін қосымша қаржыландыру аясында республикалық бюджеттің теңгерімділігін қамтамасыз етуге бағытталатынын айтқан еді.