Әлихан Смайылов референдумда дауыс берді

Премьер-министр Әлихан Смайылов референдумда дауыс берді, деп хабарлайды primeminister.kz.

"Бүгін, 5 маусымда, Қазақстан респубикасының премьер-министрі Әлихан Смайылов еліміздің Конституциясына өзгерістер мен толықтырулар енгізу жөніндегі республикалық референдумда дауыс беруге қатысты", - делінген хабарламада.

Үкімет басшысы Ұлттық академиялық кітапхана ғимаратында орналасқан №111 сайлау учаскесінде дауыс берді.

Еске сала кетейік, бұған дейін орталық референдум комиссиясының мүшесі Мұхтар Ерман брифингте Қазақстанның барлық облысындағы референдум учаскелерінде дауыс беру басталғанын хабарлаған еді.

Мақаланың түпнұсқасы: https://kaz.nur.kz/politics/1972576-alixan-smaiylov-referendumda-dauys-berdi/